اولا الكل عارف ان طلبه التعليم المفتوح مش زي كل الطلبه دول ناس عاوزين يحسنو مستواهم العلمي او الوظيفي او الاجتماعي وطبعا ناس زي دول ومع كل اعباء الحياه التي لا تخفى على احد لابد بعد اصرارهم على تحدي كل هذه الظروف وفي ظل الحياه الصعبه انهم يسعوا الى طلب العلم فلابد لهؤلاء الطلبه انهم يجدوا قدرا كبيرا من الاحترام وتقدير هذا السعي الدؤوب ولابد كذالك من مظاهر هذا التقدير من جانب الدوله على المستوى العام وجامعة الفيوم ومركز التعليم المفتوح على المستوى الخاص ان تمد لهم يد العون وذلك بتوفير كافة وسائل المساعدات التعليميه من كتب و وتطبيقات و سيدهات في الاوقات المناسبه مش نلاقي ادارة المركز الطالب يروح يجيب الكتب يلاقي كتاب والباقي لسه ما جاش ويظل يروح كل يوم والتاني يسال على الكتب لغايه نهايه التيرم والاسطوانات تروح تسال عليها ميه مره ويدولك 3 او 4 اسطوانات بتوع ماده واحده طبعا ده تهريج وليس من مظاهر التحضر العلمي ولو عايز تسال على النتيجه او عايز تعرف اي ميعاد او اي معلومه ما حدش يرد عليك ولو دخلت على موقع المركز تلاقي هيه الاخبار المنشوره لها سنه ويمكن اكتر ما زالت منشوره وكان الناس الي بتدخل على الموقع عمي ليه ما يعملوش موقع الكتروني محترم اسوه بجميع الجامعات المحترمه وليكن زي جامعة القاهره كل دارس له يوزر نيم وباسورد يدخل الصفحه المخصصه له يعرف اي بينات او ايى معلومات وكمان يحمل من عليها كل الي ممكن يحتاجه من محاضرات مرئيه ومكتوبه واساله واجاباتها وتطبيقات ولو يخه اي خبر بينشروه في صفحته ويسجل ويعدل بياناته في اي وقت من غير طابور ولا النهارده مش فاضيين ولا تعالى يوم السبت والكلام الي كلكم كنتم بتسمعوه ولذلك انا ارجو من المسؤلين عن اداره المركز ان يضعوا هذه المساءل في الاعتبار وان يرحموا الطلبه شويه من البيروقراطيه ويحترمو عقول الناس المحترمين دول ولا انا بقول كلام مش منطقي ارجو من كل من يقرا كلامي يرد عليا عشان الموضوع ياخذ ماخذ الجد ولابد ان كلنا نطالب بهذهالحقوق لانها ببساطه اقل حقوقنا والسلام عليكم ورحمة الله
موضوع: لازم يكون لنا دور ايجابي مع اداره المركز 