واقصاه

موضوع: واقصاه الخميس مارس 18, 2010 12:51 am

[ندعوك للتسجيل في المنتدى أو التعريف بنفسك لمعاينة هذا الرابط]
الاب علي فراش الموت يقول لابنه : " ان الاقصي يناديك يا ولدي المذابح كل يوم واسرائيل تسمح بنا البلاط ليل نهار ولا توفي بعهد كما قال القرآن وليس لهم كلمه ومنذ خمسين عاما كنت في مثل سنك وفعلت كل ما استطيع لنصره الاقصي كما فعل كل ابناء جيلي مظاهرات وخرجنا .. ضرب وانضربنا من الامن العام .. اعتقال واعتقلونا .. وبهدله في السجون واتبهدلنا منشورات ووزعنا … مطالب وطالبنا بطرد السفير الصهيوني وبمنع تصدير الحاجات لاسرائيل وبمقاطعه امريكا من وراء ذلك وكل الدول التي تساندهما .. "
رد الابن : " والله ما قصرت يا والدي "
الاب : " لا تقاطعني يا بني فالعمر اصبح قصيرا جدا ويجب ان اوصيك بما تفعل حتي لا يضيع تعبي ومجهودي هدرا والله يا بني لم ندخر وسعا من اجل انقاذ الاقصي الاسير والله قلوبنا تدمي من اجله . لا يوجد في الدنيا ما يساوي لحظه ذل يقضيها الاقصي تحت نير الاحتلال الظالم "
الابن مقاطعا : " ولكن ياوالدي كل ما تقول ومع ذلك مازال الاقصي تحت الاحتلال ؟ فماذا نفعل ؟ "
الاب : " قاوم يا ولدي افعل مثلنا تماما لا ترك مظاهره الا وتدخلها .. ولا يهم السجن او الاعتقال فما احلي ان نسجن في سبيل اولي القبلتين وثاني الحرمين الشريفين "
الابن : " ولكن يا والدي اليس من الافضل ان نذهب لنقاتل في سبيل الاقصي فنموت او نحرره ؟ "
هب الاب من رقده الموت صارخا : " نعم يا ( تييييييت ) انت هاتفهم في الاقصي اكثر مني يا ابن ال ( تيييييييييت ) هو مين اصلا اللي هايسمح لك انك تروح تحارب في سبيل فلسطين هو احنا اخرنا الكلام والزعيق والمظاهرات .. هو انا ربيتك علي كده ؟ كفايه اوي انك تمشي في كام مظاهره وتقولك كام بق حلوين من نوعيه اننا نرفض … ونطالب … وقلوبنا مع … زيك زي كل الشباب في كل البلاد العربيه يا معلم "
الابن : " لكن كل ده كلام فارغ ايه يعني لما خمسه مليون يخرجوا في كل البلاد العربيه واالاسلاميه ينددوا ويتظاهروا ويشجبوا ويعملوا قلق لحكوماتهم ويطالبوا الحكومات دي بتطهير الاقصي من الاحتلال هي الحكومات هاتعمل ايه ولا ايه ؟ بذمتك يا ابويا عمرك شفت حكومه حررت بلد من احتلال . ده الخمسه سته مليون دول لو عطسوا في وقت واحد هانطير اسرائيل باللي عليها "
الابن مقاطعا : " اهو اديك جبت التايهه يا ابن التايهه مين بقي اللي هايخلي الخمسه سته مليون دول يتحدوا ويعطسوا في وقت واحد وكمان يبقي وشهم متوجه ناحيه اسرائيل ؟ وبعدين ما فيه بلاد حاربت فعلا وانتصرت وعملت سلام زي مصر وخدت باقي ارضها بالعافيه وفيه بلاد حاربت واتهزمت ومخدتش اي نيله شبر من ارضها وفي الاخر القدس دي هي اللي مخليه اسرائيل تبعد عننا وعن باقي الاراضي العربيه لانهم طول ماهما متورطين فيها ولاقيين مقاومه من الفلسطينين يبقي هايتساهوا عننا احنا وانت عارف يابني ان الحرب القادمه حرب مياه يعني م الاخر اي حد قريب من اسرائيل وعنده فنطاسين ميه هايبقي فيهم الطمع .. يبقي نحل ازاي الازمه دي بقي خليهم يعملوا اللي هما عايزينه علي الاقل لحد ما اموت وبعد كده يبقي الجيل اللي بعدنا يحارب بقي او يتفلق المهم اننا مانقصر في الخروج في المظاهرات ونعمل اللي علينا والباقي بقي علي ربنا "
الاب يرقد مره اخري علي فراشه الوثير ويتغطي ببطانيه من ام راقين ويقول في نبره حزن واسي : " يا ابني .. انا هاموت وانا قلبي بيتقطع علي كل طفل فلسطيني نايم في الشارع او في مخيم . .علي كل طفله فقدت اهلها وشافت اخواتها بيتقلوا امام عينيها .. وياريت ربنا يمد في عمري كمان شويه عشان اقدر اساعدهم بكام كيس رز ومكرونه من بتوع التموين واخرج في كام مظاهره كمان يمكن ربنا سبحانه وتعالي يكتبهالي حسنه وبعدها اموت وانا مطمن اني هاروح الجنه "
رد الابن وهو يحتسي افخر انواع النسكافيه المستورده بالشيء الفلاني من امريكا الداعمه لاسرائيل : " والله عندك حق يا بويا وربنا يديك طوله العمر وما تخافش انا مكنتش عايز اقولك بس بكره الجامعه عندنا منظمين مظاهره كبيره جدا تحت اشراف الامن العام وهاشرفك فيها وهاخلي زمايلي يشيلوني علي اكتافهم واهتف واقول بعلو حسي . .بالروح بالدم نفديك يا فلسطين والتليفزيون هايصورني كمان وهاسجل المظاهره دي لاولادي عشان افرجهم عليها من بعدي.موت وانت مطمن يا با انت سايب وراك رجاله "
منقول من مدونت علا بركات
[ندعوك للتسجيل في المنتدى أو التعريف بنفسك لمعاينة هذا الرابط]

موضوع: رد: واقصاه السبت مارس 20, 2010 4:34 am

اللهم انصر المسلمين واعز بنا الاسلام

حسبنا الله ونعم الوكيل

مشكور اخي سلمت يمينك

موضوع: رد: واقصاه السبت مارس 20, 2010 3:36 pm

تسلمى على مرورك الطيب

موضوع: رد: واقصاه الأحد مارس 21, 2010 1:04 am

تسلم ايدك ربنا ينصر المسجد الاقصى والاسلام من ايدى الاعداء

موضوع: رد: واقصاه الأحد مارس 21, 2010 9:59 pm

تسلمى على المرور الجميل