اه واه واه سياسي

اه واه واه
على النظام واللي وراه
الحزب الحاكم ودا معناه
على اللي مات ومقالش اه
وفي يوم صوته علاه
قال حرية قلنا معاه
قال سلمية مشينا وراة
قال عايزين خطة اصلاح
ضربه الامن وسابله جراح
قتل الراي في مصر مباح!!!
وانت يا (....)قالولك غور
احكيلك عن قاضي يحكم تحت سلطة حكمه زور
احكيلك عن سلطة فاسدة والحشيش يولع بخور
احكيلك عن شعب يبكي والدموع تعمل بحور
ولا احنا هنبكي ليه
تلاتين سنة صابرين عليه
قلنا يمكن يلغي طابور
او يحترمك في الدستور
او في عروبته يكون غيور
.......المحسوبية ايوة هيا
المحسوبية قضيت علينا
والمعونا كسرا عنينا
والطوابير زادت حولينا
بس في وقت الشدة جدعان
ومعروفين في كل مكان
اسال علينا اهل اسوان
ومن بعديهم في السودان
وفي بحري لينا ميت عنوان
وفي سينا دفنى العدوان
ونشرنا سلام في كل مكان
عبد الناصر قالها زمان
كان في الثورة وعشنا امان
كانوا اولاد والنعمة رجال
واسال عنهم الاجيال
اسال عنهم السادات
اللي خانوه وبطلقة مات
كان ريسنا وجاب النصر
كان من احسن ناس في مصر

يا ريت تنال اعجابكم ولو فيها غلطات او اي حاجة من دي ................
ارجو تنبيهي وشكرا

يعطيك العافية تقبل مرورى